Listen Drama

एकातिर राजनीतिक दलहरूको आ-आफ्नै अडानका कारण गोदियानी गाविसमा गाउँपरिषद बस्न सकिरहेको छैन । अर्कातिर माधोपुर गाविसमा सचिव विश्वनाथले दलका प्रतिनिधिहरूको चित्त बुझाई गाउँपरिषद बसाए पनि भूमिगत समुहहरूको भने चित्त बुझाउन सकिरहेका छैनन् । भूमिगत समुहबाट विश्वनाथलाई ठुलै रकम तोकेर चन्दाको लागि धम्किपूर्ण चिठी आएको छ । नाटकमा अब के होला थाहा पाउन गाविसको कथाको तेस्रो भाग सुन्नुहोस् ।

माधोपुर गाविसका सचिव विश्वनाथले सरल र द्रुत सेवालाई जोड दिन्छन् भने गोदियानीका सचिव अखिलेशचाहीँ प्रक्रिया र प्रविधिमा विश्वास राख्छन्।  कामगर्ने तरिका भिन्नै भए पनि यी दुईले भोग्नु परेको समस्या भने उस्तै छ । राजनीतिक दलका प्रतिनिधिहरूको फरक अडान, गाउँका केही व्यक्ति र समुहबाट अनुचित सहयोगको दवाव आदिका कारण दुवै आजित छन्।  नाटकमा अब के हुन्छ भन्ने थाहापाउन 'गाविसको कथा'को दोस्रो भाग सुन्नुहोस् ।

हामी नयाँ नाटक 'गाविसको कथा' लिएर आएका छौँ । तराई-मधेसको पृष्ठभूमिमा रेकर्ड गरिएको यस नाटकले स्थानीय प्रतिनिधिको अभावमा राष्ट्रभरका गाविसहरूले भोगिरहेको साझा पीडाको कथा बोकेको छ । सचिवहरूको भरमा चलेका गाविसहरूमा देखिने समस्यालाई हामीले दुई प्रतिनिधि सचिव- अखिलेश र विश्वनाथको रोचक प्रसंग मार्फत् दर्शाउने प्रयत्न गरेका छौँ । नाटक सुनेर हामीलाई प्रतिक्रिया पठाउनु होस्, हामी प्रतीक्षारत छौँ ।

 गाउँमा पावरहाउसको कुलो निर्माणका लागि आफ्नो जग्गा नदिने धनराजको अडान यथावतै छ । धनराजकै उक्साहटमा चक्रे र उसका साथीहरू लघुजलविद्युत निर्माण तथा उपभोक्ता समितिलाई घरधुरी रकम बुझाउनु हुँदैन भन्दै गाउँले भड्काउँदै छन् । समिति र धनराज बीचको जुहारी कहाँ सम्म पुग्ला ? थाहा पाउन ताप्लेजुङमा रेकर्ड गरिएको ‘बिजुलीको कथा’ को चौथो भाग सुन्नुहोस् ।